Артета објави две одлични вести пред реваншот со Атлетико Мадрид

Тренерот на Арсенал, Микел Артета, денес потврди дека ќе може да смета на двајца опоравени играчи за реваншот против Атлетико Мадрид.

Шпанецот на прес-конференција за медиумите откри дека и Кај Хаверц и Мартин Одегард се во конкуренција за составот против Атлетико Мадрид. Хаверц го прескокна првиот дуел во Мадрид поради полесна повреда, а истата ја заработи во тој натпревар и Одегард кој не настапи против Фулам.

„Да, Хаверц и Одегард ќе бидат во составот. Ни се потребни сите можности, ова се навистина две одлични вести за нас, бидејќи мораме да бидеме подготвени на сè и да ја имаме целата расположлива сила“, рече Артета.

За Артета исто така одлична вест е што Букајо Сака конечно може да го започне мечот, што сигурно и ќе биде случај.

Натпреварот Арсенал – Атлетико Мадрид е на програмата во вторник во 21:00 часот.