Aрсенал постави рекорд во Лигата на шампионите: Вакво нешто не му успеало на ниту еден друг клуб

Менаџерот на Арсенал, Микел Артета, изјави дека убедливата победа против ПСВ во Лигата на шампионите донесе радост, самодоверба и вера на неговите фудбалери, но дека не се занесува со рекордите.

Синоќа во Ајндховен Арсенал го победи ПСВ 7:1, во првиот натпревар од осминафиналето на Лигата на шампионите. Тоа е првпат во историјата на натпреварувањето некој тим да постигне седум голови на гостински терен во нокаут фазата на Лигата на шампионите.

“Сигурно, тоа е нешто што никој досега не го направил и е одлично да се биде дел од тоа. Но, како екипа сакаме да постигнеме многу други работи што се далеку поважни од тоа. Најсреќно е што сме во многу силна конкуренција да се пласираме во следната рунда, каде сакаме да бидеме,” рече Артета, пренесе Скај.

Реваншот е закажан за 12 март во Лондон. “Нè чека работа што мора да ја завршиме во Лондон,” додаде Артета.