Анчелоти откри од што се плаши пред „Ел Класико“

Утре од 20:00 часот во Саудиска Арабија ќе се игра финалето на шпанскиот Суперкуп помеѓу Реал Мадрид и Барселона.

Ова ќе биде првото „Ел Класико“ оваа година и шанса за Барселона да му се одмазди на Реал за минатогодишниот пораз во финалето, но и можност за Реал да се одмазди за поразот 0-4 во Примера порано оваа сезона.

Токму за оваа средба се осврна Карло Анчелоти на денешната прес конференција и истакна од што стравува, а тоа се офсајдите.

„12 офсајди во последниот Ел Класико? Ова е важен момент кој го анализиравме и разговаравме со играчите, ме плаши да не се повтори нешто слично“, рече Анчелоти на конференцијата за медиумите.