Поразот во Билбао е минато, по победата во Жирона и новиот кикс на Барселона против Бетис, Реал Мадрид повторно е во игра да го преземе врвот на табелата.
Реал Мадрид не блескаше премногу, но сепак убедливо ја совлада Жирона со резултат од 3:0.
Од лозје до чаша: Уметноста на виното со Теодор Бојаџиев | Уште еден поткаст
Карло Анчелоти по овој натпревар потврди две добри вести, а тоа е дека и Родриго и Винисиус Жуниор би можеле да бидат подготвени за гостувањето кај Аталанта во вторник.
Во исто време, Анчелоти потврди и една лоша вест пред патувањето во Бергамо, а тоа е дека Ферлан Менди се повредил и нема да може да помогне на тимот против Аталанта.
Реал Мадрид има дури три порази во Лигата на шампионите, и во случај на уште еден, сериозно би можел да се доведе во прашање пласманот во елиминациската фаза, иако тоа е навистина тешко да се замисли.
Реал Мадрид моментално е на 24-то место на табелата, последен меѓу тимовите што одат во плејофот и во преостанатите три натпревари мора да освои четири бодови за да го обезбеди местото во следната рунда.
По Аталанта, Реал Мадрид го пречекува слабечкиот Салцбург и гостува кај Брест.
За Анчелоти најважно е што Винисиус и Родриго се враќаат во клучен момент пред борбата за пласман во плејофот.
Учество во игри на среќа е дозволено за лица со 18+ години. Играј одговорно!