Државниот секретар на Соединетите Американски Држави, Марко Рубио, изјави дека иранскиот фудбалски тим ќе има дозвола да влезе во САД за учество на летниот Светски фудбалски шампионат, но администрацијата на претседателот Доналд Трамп ќе забрани влез за Иранци кои имаат врски со војската на таа земја.
Согласно со изјавите на Рубио, од страна на Соединетите Држави нема никакви знаци дека екипата на Иран нема да може да дојде.
Исхрана, повреди и тренинг – совети од доктор по спортска медицина | Уште еден поткаст
„Ако изберат сами да не дојдат, тоа е затоа што самите така одлучиле. Она што не можат да го донесат е група терористи од Иранската револуционерна гарда во нашата земја, кои би можеле да се претставуваат како новинари и спортски тренери“, рече Рубио за време на настан во Белата куќа, пренесе CNN.
Оваа година, Светското првенство се одржува во Соединетите Американски Држави заедно со Канада и Мексико, а почнува на 11 јуни. Сите три натпревари од групната фаза на Иран ќе се одржат во САД — два во Лос Анџелес и еден во Сиетл.
Иранскиот фудбалски тим е подготвен да учествува на претстојниот Светски фудбалски шампионат, изјави во вторник портпаролот на иранската влада, Фатеме Мохаџерани.
Тој потврди дека иранското Министерство за спорт и млади ги обезбедило сите потребни подготовки за учество на екипата на првенството, пренесе Ал Џазира.
Меѓутоа, претходно министерот за спорт и млади на Иран, Ахмад Донијамали, изјави дека учеството на репрезентацијата зависи од безбедноста на играчите.
Иранската фудбалска репрезентација успешно се квалификуваше за завршниот турнир што ќе се одржи во Соединетите Американски Држави, Канада и Мексико, но учеството на тимот во ова натпреварување е неизвесно поради конфликтот на САД и Израел против Иран, што започна на 28 февруари.
Учество во игри на среќа е дозволено за лица со 18+ години. Играј одговорно!