Aгентот на Мане жестоко го нападна Баерн: Ги загрижуваше бојата на кожата

Садио Мане на непосакуван начин ја заврши својата епизода во Баерн Минхен, а самиот по заминувањето изјави дека жали за превремениот прекин на соработката.

Мане зад себе има сезона за заборав во Минхен, па сега ќе игра со Роналдо во Ал Наср.

Во јавноста сега се огласи агентот на Мане, Бакари Сисе кој жестоко го критикуваше Баерн.

„Продавањето на Мане не беше фудбалска одлука од Баерн. Тоа што ги вознемируваше Германците беше платата која ја добиваше Садио, не сакаа да се помират дека фудбалер од Африка им е најскапо платен играч и затоа сакаа да се ослободат од него. Бојата на кожата на Мане не го загрижуваше само Сане, ги загрижуваше и водечите луѓе на Баерн“, изјави агентот.