Супербоул: Њу Ингланд со фантастичен персврт до титула!

Њу Ингланд Петриотс ја освоија петтата титула во НФЛ, откако во Супербоул финалето, со голем пресврт, ја надополнија негативата од 25 поени и славеа над Атланта Фалконс 34:28.

Њу Ингланд го направија најголемиот пресврт во историјата на Супербоул, претходно ниту еден тим не надоместил негатива поголема од десет поени, а воедно ова беше првото финале кое беше решено во продолжението.

Атланта во третиот период имаше предност од 3:28, но тогаш се разигра Том Брејди кој го одигра мечот на кариерата и го однесе својот тим до победта.

Брејди и тренерот на Њу Ингланд Бил Беличкик влегуваат во историјата на овој спорт како најдобрите на сите времиња.

Квотербекот на Њу Ингланд, Брејди е прогласен за МВП на 51-то издание на Супербоул и е единствениот со три вакви признанија. Воедно со петте титули тој ги надмина легендите Џо Монтана и Тери Бредшо.