Се брзо се заврши: Видал до крајот на денот станува играч на Барселона!

Се беше брзо завршено…

Барселона не успеа да доведе некој од Рабио, Де Јонг, Алкантара, Погба, Милинковиќ Савиќ...Но успеа Артуро Видал!

До крајот на денот се очекува официјална потврда за трансферот на Чиленаецот на „Камп Ноу“. Трансферот ќе изнесува помеѓу 20 и 30 милиони евра. Барселона лесно постигнала договор со Баерн, а уште полесно со Видал на кого му обезбедила плата од 7 милиони евра по сезона плус еден преку бонуси. Во Баерн Видал добиваше осум, а Интер му нудеше пет. Во недостаток на подобри опции, Видал прифати трансфер во Интер, но се додека не се појави Барселона.

✍? BREAKING: Barcelona have completed the signing of Arturo Vidal from Bayern Munich. ?? pic.twitter.com/dCBAkMdBZv

— 360Sources (@360Sources) August 3, 2018

Многумина се изненадени од трансферот бидејќи Видал баш и не е тип на играч кој се вклопува во стилот на игра на Каталонците. Но причини постојат.

Пред се Валверде добива замена за Паулињо на што инсистираше. Клубот не се консолутираше со него при продажбата и сега мораше да му излезе во пресрет.

Видал е сличен играч на Пулињо, а на Барса и е потребен играч од средината со „војнички менталитет“ за кого изгубена топка не постои.

Медиумите најавуваат дека Видал уште денес ќе пристигне на лекарски прегледи.