Атлетико го претстави 70-милионското засилување

Атлетико Мадрид денес официјално го претстави најскапото засилување за ова лето, Томас Лемар.

22-годишниот Французин пристигна од Монако во трансфер вреден 70 милиони евра.

„Многу сум среќен што сум во Мадрид и сакам ова поглавје од мојата кариера да започне на најдобар можен начин“, изјави Лемар.

Лемар денеска на прес-конференцијата призна дека големо влијание на одлуката да потпише за Атлетико имале неговите репрезентативни сонародници Антоан Гризман и Лукас Ернандез.

„Атлетико се интересираа за мене подолго време и по она што Антоан и Лука ми го рекоа, навистина сакав да дојдам тука. Го одбрав Атлетико, бидејќи го сакам клубот и го следам доста време. Секако дека Гризман беше една од главните причини да дојдам тука“, изјави светскиот шампион со Франција.