Ел Класико во новата сезона ќе го гледаме порано од вообичаеното

Новата сезона во шпанската Ла Лига започнува на 18. август, а титулата ќе ја брани екипата на Барселона.

Денеска е објавен распоредот на натпреварите за новата сезона, а актуелниот шампион Барселона во првото коло на својот стадионот ќе го пречека Депортиво Алавес, додека Реал Мадрид пред своите навивачи ќе игра против Гетафе.

Се разбира, на првото место е Ел Класико кој оваа година по девет сезони прв пат ќе го гледаме без Роналдо. Вообичаено, Ел Класико се играше на крајот на декември и април, но овој пат тој натпревар ќе го гледаме малку порано.

Првиот натпревар е на „Камп Ноу“ на 28. октомври оваа година кога Барса ќе го пречека Реал, а вториот натпревар во Ла Лига ќе се одигра во Мадрид на „Сантијаго Бернабеу“ на 3. март следната година.

96 days until the first Clasico of the season ⏳ pic.twitter.com/7oZNHHQwI1

— B/R Football (@brfootball) July 24, 2018