Откриена трансфер стратегијата на Реал Мадрид!

Според информациите од Мадрид, нарпавена е трансфер стратегијата за трансфер периодот.

До сега пристигна бекот Одризола од Сосиедад, си замина Роналдо, а изгледа дека Перез ќе направи уште само два потези во трансфер периодот. Прв за доведување е Куртоа од Челзи, ќе го платат околу 35 милиони евра, а тој сака поради децата да се врати во Мадрид.

Што се однесува на Еден Азар, Реал не е спремен да го сруши светскиот рекорд за Белгијанецот и би можел да почека до следното лето доколку Азар не го продолжи договорот, ќе биде на година од истекување и ќе биде многу поефтин.

Перез смета дека следната година би можел да ги доведе и Азар и Нејмар. Имено, Бразилецот во овој момент е невозможна мисија, но следната, според некои информации би можел да побара трансфер, особено ако ПСЖ не направи ништо во Европа. Всушност, тоа е единствениот играч за кој Перез смета дека маркетински би можел да го покрие заминувањето на Кристиано Роналдо.

Лопетеги нема ништо против овој план, за него е важно да го задржи шпанското јадро заедно, како и Бејл да остане во клубот. Не сака да се откаже од Бензенма, бидејќи нема слободен напаѓач на трансфер пазарот. Баерн не го продава Левандовсни, а Кејн исто така е нереална желба.