На Светското фудбалско првенство во Русија одиграни се 56 од 64 натпревари кои ќе ги видиме на 21. Мундијал, во кој се постигнати 146 гола, односно во просек 2,6 по натпревар.
Заклучно со натпреварите во осмина финалето, судиите покажаа 189 жолти картони (3,4 во просек по натпревар) и четири црвени (0,07). Играчите испратија 43,139 точни додавања или во просек 770,3 по натпревар.
Дерби на Манчестер: Да се види кој е полош!? ↓↓↓
Белгија со 12 постигнати гола е најефикасната репрезентација до сега на Мундијалот. Најмногу напади имаше Шпанија која беше елиминирана во осмина финалето – 288. Играчите на „Црвената фурија“ имаа и најмногу додавања (3,120), додека најдобра во одбранбените интервенции е Русија (196).
Најмногу удари кон голот упати Бразилецот Нејмар – 24. Кристиан Ериксен (Данска) најмногу претрча, 51 километар во четири натпревари. Серхио Рамос (Шпанија) со 485 успешни пасови е лидер во тој статистички сегмент. Најмногу одбрани забележи голманот на Мексико, Гилермо Очоа (25).
Четвртфиналните натпревари почнуваат во петок, 6. јули, кога се сретнуваат Уругвај – Франција и Бразил – Белгија. Ден подоцна се натпреварите помеѓу Шведска – Англија и Русија Хрватска, каде што ќе бидат познати полуфиналните парови.