Решана ситуацијата меѓу Коста и Челзи: Еве ја конечната одлука!

<strong>Англиските медиуми пренесуваат дека ситуацијата помеѓу Челзи и Диего Коста е решена и дека шпанскиот репрезентативец одлучил да остане на „Стенфорд Бриџ“ најмалку до крајот на сезоната.

Според „Сан“, напаѓачот не планира да го продолжи договорот со лондонскиот клуб кој важи до 2019 година иако “сините” му нудат неделна плата од 150 илјади фунти.

Коста ќе ја доигра оваа сезона, а претстојното лето сигурно ќе си замине од Челзи и најверојатно кариерата ќе ја продолжи во Тјанџин кој му нуди 30 милиони евра по сезона.

Со таа плата, Коста ќе стане еден од најплатените светски фудбалери, но најверојатно ќе се збогува со шпанската репрезентација.