Огромно промашување: „Панини“ погоди само пет цели репрезентации!

Големи и звучни имиња како Икарди, Алкантара, Сане…Нема да бидат дел од Мундијалот.

Мундијалот е се поблиску, голем број колекционери од поодамна го пополнија албумот од „Панини“, но дури 92 играчи кои добија сликички од „Панини“ нема да бидат дел од Светското првенство.

Не е лесно да се направи адекватен албум со месеци унапред, многу пати се случува повредите да го креираат списокот, така на пример нема да го гледаме Даниел Алвес. Салах беше под знак прашалник, но ќе настапи.

Играчи како Алкантара, Мората, Лаказет, Марсијал, Икарди, Лерој Сане…Не добија повик од селекторите.

Од репрезентациите кои „Панини“ им ги погоди сите играчи се само Сенегал, Панама, Шведска, Мексико и Перу.