Од Островот одлични вести за Египет – овој пат не се поврзани со Мо Салах!

Арсенал во вчерашниот натпревар на домашен терен го совлада Вест Хем со 4:1, но натпреварот беше обележан со повредата на играчот за врска „топчиите“, Мохамед Елнени.

Египќанецот беше присилен да го напушти натпреварот во првото полувреме поради повреда на левиот зглоб. Сцените на „Емирати“ беа навистина тажни откако Елнени на носилки и во солзи го напушти тревникот.

Првите информации од Англија беа дека се работи за тешка повреда поради која фудбалерот би можел да не настапи за Египет на Мундијалот во Русија ова лето.

Меѓутоа после деталните прегледи кој фудбалерот ги помина во текот на денешниот ден беше утврдено дека не станува збор за тешка повреда.

Како што сега пренесуваат англиските медиуми тој ќе биде спремен за три недели и што е најважно Египет ќе може да смета на неговите услуги за Мундијалот.

Egypt assistant coach Mahmoud Fayez has spoken to Mohamed Elneny and says that the Arsenal midfielder will be out for 3 weeks. https://t.co/E4zMjydMXg

— Chris Wheatley (@ChrisWheatley_) April 23, 2018