Гатузо: Белоти е како Шевченко

Tимот на Милан уште од минатото лето покажува интерес за италијанскиот напаѓач, Андреа Белоти, а денес мислење за квалитетите на популарниот „петел“ даде и Џенаро Гатузо.

Белоти можеби не е во иста форма како и минатата сезона, оваа постигна многу помалку голови, но и понатаму е напаѓач кого многумина го посакуваат, посебно Милан.

Пред утрешното гостување на Милан кај Торино, свое мислење за квалитетите на Андреа Белоти даде стратегот на „росонерите“ Џенаро Гатузо кој имаше пофални зборови за Италијанецот.

„Белоти е како Шевченко, многу ме потсетува на него. Добро момче е и многу го почитувам, игра на високо ниво веќе неколку сезони“.

„Торино е тим кој се бори, има неколку квалитетни фудбалери и опасни се во нападот, знаат да организираат добри контри и сигурно нема да ни биде лесно, но сите знаат која е целта на Милан на секој натпревар“, изјави Гатузо.