Aлегри: Оној кој не верува дека можеме да го елиминираме Реал нека не се качува во авион

Тешка, за поголемиот дел од фудбалската јавност и невозможна мисија е пред Јувентус – во Мадрид да се надополни поразот од 0:3 на домашен терен.

Сепак и покрај тешката ситуација, стратегот на „старата дама“ верува во чудо во Мадрид.

„Кој не верува дека можеме да го елиминираме Реал, нека не се качува во авион“, порача Алегри, а потоа продолжи да зборува Џорџо Киелини.

„Во фудбалот и животот никогаш не знаеш што може да се случи. Потребен ни е совршен натпревар, среќа и позитивна лудост. Ако брзо поведеме со 1:0, се е можно..“, порача дефанзивецот.

Натпреварот помеѓу Реал Мадрид и Јувентус на програмата е утре со почеток во 20:45 часот.