Гатузо: Доволно вриштам 90 минути, во соблекувалната нема да зборувам ништо

Гигантски два погодоци преднос за Арсенал од „Сан Сиро“. Се чини невозможна мисија е пред Милан во утрешниот реванш на „Емирати“.

Меѓутоа, уште полоша опција би било да тргнат за Лондон со бело знаменце. На Џенаро Гатузо, такво сценариот не му паѓа на памет.

„Знаеме дека мораме многу подобро од првиот меч, но горди сме што играме против голем тим на овој фантастичен стадион. Малку сме уморни, но мораме да пробаме. Родени сме да се подготвиме за ова. Знаеме дека ќе биде тешко, би лажел кога би кажал поинаку, но во фудбалот и спортот воопшто најубава работа е кога ќе го победиш законот на веројатност. Не дојдовме овде на екскурзија. Немаме што да загубиме“, истакна тренерот на „Росонерите“ на конференцијата за медиумите.

А што ќе им каже во пресрет на мечот?

„Не сум голем говорник. Играчите сеедно доволно ги потресувам викајќи во текот на 90 минути, не оди да им држам говори во соблекувалната, кога би требало да се опуштат“, искрено посочи Гатузо.