Нексе поразен, Вардар до победа и нов рекорд во СЕХА лигата

Македонскиот и европскиот шампион денес нешто потешко од очекувањата успеа да го совлада Нексе (29:25).

Вардар со денешната победа постави и нов рекорд.

Имено, избраниците на Раул Гонзалес стигнаа до учинок од 17 победи и едно реми што е рекорд во СЕХА лигата, претходно на врвот беше Веспрем кој сезоната 2015/2016 ја заврши без пораз.

Нексе во игра за позитивен резултат беше се до последните минути кога Вардар успеа да искористи неколку грешки на противникот.

Човекот кој ги промени работите беше Лука Циндриќ, тој беше најаефикасниот поединец во редовите на „црвено-црните“. Циндриќ во вториот дел успеа да постигне седум погодоци, а на голот одличен беше и Страхиња Милиќ кој запиша 14 интервенции.