Најдобриот фудбалер на Челзи, Еден Азар е свесен дека Манчестер Сити целосно ги надигра во вчерашното дерби од Премиер лигата.
Белгиецот по натпреварот беше навистина разочаран.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
„Кога го напуштате теренот вообичаено имате чуство дека сте трчале и дека сте уморни, но јас го немам. Штета што е така. Можевме да играме и уште три часа, а јас не би ја допрел топката. Бевме добри само на крајот во последните 10-15 минути кога имавме и поголем посед. Така требаше да играме во текот на целиот натпревар“, изјави Азар за белгиските новинари во микс зоната на „Итихад“.
Азар смета и дека одлуката на Антонио Конте да игра со долги топки на овој натпревар не била паметна.
„Се обидувам да скокам, но против Отаменди и Лапорт беше навистина тешко. Не покажавме квалитет. Според мене полесно би ни било да играме со долги топки доколку во нападот ги имавме Жиру и Мората“, заврши Азар.
Учество во игри на среќа е дозволено за лица со 18+ години. Играј одговорно!