Гвардиола: Луѓето не се свесни, што претставува Конте за англискиот фудбал (ВИДЕО)

Во пресрет на утрешниот меѓусебен меч во Премиер лигата помеѓу Манчестер Сити и Челзи на „Итхад“, шефот на стучниот штаб на „Граѓаните“, Пеп Гвардиола на кофенренцијата за медиумите истакна дека тренерот на Челзи, Антонио Конте ги променил стандардите на англискиот фудбал и дека неговиот траг веќе е очигледен.

„Луѓето можеби се уште не се свесни што Антонио Конте направи со Челзи. Се истакна како вистински тактички генијалец. Претстави потполно нови офанзивни и дефанзивни состави. Многу екипи, вклучувајќи го и Арсенал, се обидуваат да ја имитираат неговата замисла. Во минатото со Јувентус и италијанската репрезентација оствари одлични резултати и прилично сум убеден дека неговата оставина ќе биде видлива и во англискиот фудбал“.

Гвардиола се осврна и на медиумските шпекулации дека Антонио Конте е пред се поголем притисок од клупската управа, па и навивачката база поради резултатите во тековната сезона.

„Особено изминатата сезона бев под енормен притисок. Луѓето често се прашуваа што правам, што ми е на ум и зошто употно го форсирам својот стил на игра. Притисокот е секојдневен и свесен сум дека еден ден ќе бидам во ситуација преполна со притисок. Таква е тренерската професија“, заклучи Каталонецот.