Венгер изнервиран: Го одбив целиот свет, за да бидам во Арсенал

Менаџерот на Арсенал, Арсен Венгер одби да потврди дали ќе биде на кормилото на клубот и следната сезона.

Францускиот стратег е силно изнервиран од шпекулациите во однос на неговата работа и уште еднаш потврди дека „го одбил целиот свет“ за да остане во Арсенал.

„Не третирате како да сме изгубиле од тим од петтата лига, а не од Манчестер Сити кој доминира во Премиер лигата. Тоа е смешно. Срамота е вака да се однесувате со нас. Се разбира дека сум разочаран и тажен за пораз, но мора да бидеме реални со коментари“, изјави Венгер.

Венгер во минатото ги одби понудите на Реал Мадрид, Пари Сент Жермен и Баерн Минхен, но се позасилени се шпекулациите дека на крајот на сезоната раководството на клубот ќе стави крај на неговиот 22-годишен престој.

„Искрено, тоа е последното нешто на кое што мислам во моментов. Концентриран сум на утрешниот меч со Манчестер Сити. Тука сум 21 година и го одбив целиот свет за да останам овде. Раководството ќе ја оцени мојата работа на крајот на сезоната“, изјави Венгер.