Конте призна: Ќе биде тешко да избориме пласман во ЛШ!

Менаџерот на Челзи, Антонио Конте изјави дека неговиот тим не заслужил да биде поразен на гостувањето кај Манчестер Јунајтед.

„Сините“ дојдоа до водство со голот на Вилијам, но Манчестер направи комплетен пресврт со головите на Лукаку и Лингард.

„Мислам дека ремито ќе беше праведен резултат, но сега зборуваме за пораз. Требаше да бидеме поефикасни. Натпреварот беше отворен и противникот не натера да платиме за тоа. Манчестер Јунајтед е одличен тим, а ние треба да бидеме разочарани бидејќи можевме подобро“, изјави Конте.

„Знаеме дека ќе биде тешко да се избориме за место во Топ 4 кое води во Лигата на шампиони. Треба да работиме повеќе бидејќи првенството е многу тешко и треба да крај да се бориме за место во ЛШ“, заклучи Италијанецот.