Понуда која не се одбива: Маркос Рохо пред излезните врати на Олд Трафорд!?

Дефанзивецот на Манчестер Јунајтед, Маркос Рохо би можел во летниот преоден рок да го напушти Олд Трафорд.

Според информациите кои доаѓаат од Франција, Рохо добил понуда од ПСЖ и постои голема можност да ги засили редовите на великанот од Париз.

Аргентинскиот дефанзивец има уште 14 месеци договор со Јунајтед. Сепак, како што стојат работите тој ги брои последните месеци на Олд Трафорд и Манчестер ќе го замени со Париз.

Рохо во април минатата година доживеа тешка повреда која го оддалечи од теренот неколку месеци. Тоа на крајот доста влијаеше на неговата игра и оваа сезона настапи на само 10 натпревари.