Видео: Наполи му одговори на Јуве, нова победа на Беневенто

Откако Јувентус победи во градското дерби, Наполи веднаш одговори со победа над СПАЛ и се врати на врвот на табелата.

Наполи експресно се врати на врвот на табелата откако попладнево рутински го совлада СПАЛ со 1:0. Голот на одлука го постигна Алан уште во 6-та минута.

Домаќинот беше подобар и го контролираше мечот, а во 63-та минута Хамшик постигн агол, кој оправдано беше поништен поради офсајд.

Во дербито од дното Беневенто успеа да го совлада Кротоне со 3:2, а човек на одлука беше Диабите во 89-та минута.

Болоња исто така запиша победа против Сасуоло со 2:1. Поли го отвори резултатот во 12-та минута, а во 38-та Бабакар погоди за 1:1. Во последните моменти од мечот победа на Болоња и донесе Пулгар.