Од Рома признаваат: Евтино го продадовме Салах

Спортскиот директор на Рома, Мончи призна дека се кае поради начинот на кој минатото лето го пушти Мохамед Салах во Ливерпул.

Неверојатниот Египќанец игра феномалено во дресот на клубот од „Енфилд“ кој Салах го доведе за сума од 42 милиони евра што во денешниот фудбал е навистина мала сума за таков фудбалер.

„Искрено, не постапивме добро при продажбата на Салах. Неговото останување во Рома не беше опција, но и покрај тоа можевме многу повеќе да заработиме. Состојбата на трансфер пазарот многу се промени после рекордните трансферите на Нејмар и Мбапе“, порача Мончи.

Рома за утеха и останува заработката од бонусите од кои ќе добие осум милиони евра, па трансферот на Салах ќе изнесува 50 милиони евра.