Куман прави значителни потези веднаш по преземањето: Робен ги прекинува пензионерските денови?!

Новиот селектор на Холандија, Роналд Куман е подготвен да го врати Арјен Робен од пензија.

Откако Холандија не успеа да се пласира на СП, Робен се повлече и објави крај на репрезентативната кариера, но ѕвездата на Баерн би можел да се врати иако има 34 години.

„Дали ќе одам да го проверам Робен? Зошто да не. Секако дека тоа е играч кој ни недостатува и кој би бил добар во секој тим“, истакна новиот селектор на Холандија.

Робен се одлучи за завршницата на кариерата, а има 34 години, дел е од клупскиот фудбал, па не е исклучено да се врати во репрезентацијата, токму како и Весли Снајдер кој има 33 години.

Во секој случај, холандската јавност се надева дека Куман ќе биде полн погодок и дека конечно оваа репрезентација ќе се врати на патеките на старата слава.