Барселона собори уште еден клупски рекорд!

Благодарение на Џерар Пике, Барселона собори уште еден клупски рекорд.

Се работи за непобедливоста. Барселона не ја почувствува горчината на поразот во првенството по 22 одиграни кола, што не се случило досега во историјата на каталонскиот гигант.

Лидерот во Примера, беше на прагот на пораз во градското дерби против Еспањол на гости, но Џерар Пике во финишот се погрижи да не дојде до тоа. Инаку, каталонското дерби беше одиграно во ужасни услови.