Видео: Наполи не го дава врвот, дебакл на Фиорентина

Наполи експресно одговори на победата на Јувентус и се врати на врвот, Фиорентина доживеа дебакл во Фиренца, Пандев и дружината поразени од Удинезе.

Наполи денес ја пречека Болоња и беше шокиран уште во првата минута кога Паласио ги доведе гостите во водство.

Сепак, домаќините се ослободија од првичниот шок и до полувремето направија комплетен пресврт со автоголот на Мбаје и Дрис Мертенс. Белгиецот погод и и во второто полувреме за конечни 3:1.

Фиорентина доживеа дебакл на домашен терен и загуби од последно пласираната Верона со 1:4. Херој за гостите беше младиот Кен кој постигна два гола.

Торино со убедливи 3:0 го победи Беневенто, Џенова беше поразена на свој терен од Удинезе (0:1), а Кротоне и Каљари одиграа без победник 1:1.