Пешевски: Нашите навивачи заслужуваат да се радуваат

Македонија вечерва против Чешка го игра веројатно најважниот натпревар на Европското првенство во Хрватска.

Нашата селекција по фантастичниот старт, запиша убедлив пораз од Шпанија, но и покрај тоа се уште сме во позиција да се надеваме на плсман во полуфиналето.

Пред натпреварот против Чешка зборуваше пикерот на нашата репрезенација Жарко Пешевски кој најави победа за навивачите.

„Шпанија е веќе зад нас, сега пред нас е Чешка и доколку сакаме победа ќе мораме да прикажаме голема борба и да дадеме максимум. Чешка е репрезентаицја која има добри голмани, игра одлично во одбраната и ќе биде тешко. Наше е да го оставиме срцето на терен за победа, нашите навивачите заслужуваат да се радуваат“, изјави Пешевски.