ФОТО: Суарез влезе во историјата на Барселона

Барселона во неделата со 5:0 го победи Бетис, а по два гола постигнаа Лионел Меси и Луис Суарез.

Уругваецот стигна до бројка од 100. гола за Каталонците во Примера и тоа во само 114 натпревари. На Меси, за истиот подвиг му беа потребни 154 натпревари. Во исто време, Суарез стана и петтиот најдобар стрелец на Каталонците во историјата на Примера.

Следната мета е Самуел Ето, кој има постигнато осум гола повеќе од Суарез, а сосема е сигурно дека за многу малку време Суарез ќе го престигне и споменатиот играч.