Вујовиќ: Ситуацијата во Словенија е иста како кога Македонија би останала без Лазаров, Стоилов и Миркуловски

Селекторот на Словенија кој дел од својата тренерска кариера помина и тука во Македонија за каде што тврди дека има најубав пречек, сега ситуацијата во Словенија ја опиша сликовито со тројца наши репрезентативци.

Неодамна Словенија остана без Габер кој ќе го прескокне Европското првенство, а сега Вујовиќ се соочува со можно отсуство на Доленец и Хенигман.

„Габер навистина ги расипа нашите планови, а сега не сум сигурен ни дали би можел да сметам на услугите на Доленец и Хенигман. Иако се повредени, двајца од повредените сепак би можеле да патуваат со нас во Хрватска, но за тоа се уште не сме одлучиле. Ситуација во Словенија е еднаква на онаа кога Македонија би останала без Лазаров, Стоилов и Миркуловски“, објасни популарниот Вујо.