Линда Носкова веќе има место во следната фаза, Марта Костјук е елиминирана, а Џесика Пегула и Коко Гоф ќе се борат за преостанатата позиција. Таков е расплетот во групата А по второто коло на Завршниот турнир во Индијан Велс.
Носкова го продолжи настапот без загубен сет и против Гоф. Чешката тенисерка славеше со 6:3, 6:3, резултат со кој уште пред последното коло го обезбеди минувањето понатаму. За Гоф, пак, поразот значи дека одлуката за пласманот ќе ја чека во завршната рунда.
Во трката остана и Пегула, која во вторникот вечерта ја запиша својата прва победа на овогодишниот турнир. Американката ја совлада Костјук со 6:2, 7:5 и ги згасна надежите на украинската тенисерка за продолжување на натпреварувањето.
Пегула двапати го одзеде сервисот на противничката во првиот сет, а во вториот направи уште три брејка. Костјук во тој дел од мечот пружи поголем отпор, но не успеа да го одведе дуелот во трет сет.
Последното коло носи пресметки меѓу Носкова и Пегула, односно Гоф и Костјук. Во борбата меѓу двете Американки за второто место, Пегула моментално е во предност поради еден освоен сет повеќе.
Фото: Telegraf
Учество во игри на среќа е дозволено за лица со 18+ години. Играј одговорно!