Гонзалес пред дербито: Ние сме фаворити

Ц „Јане Сандански“ во сабота ќе биде местото каде што ќе се одигра македонското ракометно дерби помеѓу Вардар и Металург во рамките од СЕХА лигата.

Оваа сезона Вардар е неприкосновен во СЕХА и од девет натпревари има девет победи, од друга страна Металург има биланс од само три победи девет порази.

Пред овој натпревар зборуваше стратегот на црвено-црните, Раул Гонзалес.

„Очекувам добар натпревар, сеуште не знам кој ќе игра. Тоа ќе го одлучиме на последниот тренинг. Фаворити и сме и не треба да бегаме од тоа, се надевам дека ќе играме пред полна сала“, изјави Гонзалес.

Ттреба да се истакне дека билетите за овој натпревар се по цена од 50 денари, а собраните средства ќе бидат донирани за 16 годишниот Борче Јовановски на кого му е потребна операција во странство.