Оклахома Сити Тандер договори нов петгодишен договор со Кејсон Волас вреден 139 милиони долари.
Волас, кој беше 10. пик на драфтот во 2023 година, има 23 години и зад себе сезона во која бележеше 8.6 поени, 3.1 скокови, 2.6 асистенции и 1.9 украдени топки по натпревар. Со тие партии избори место во Втората најдобра дефанзивна петорка на лигата.
По заминувањето на Лу Дорт преку трејд, Волас стана важен дел од стартната петорка и од долгорочните планови на франшизата.
Сепак, овој потег носи и сериозен финансиски товар за иднината на ОКЦ. За сезоната 2027/28, клубот веќе има околу 224 милиони долари обврски за шест клучни играчи:
- Шеј Гилџус-Александер: 61.6 милиони долари
- Џејлен Вилијамс: 44.5 милиони долари
- Чет Холмгрен: 44.5 милиони долари
- Кејсон Волас: 27.8 милиони долари
- Ајзеја Хартенштајн: 25 милиони долари
- Алекс Карузо: 21 милион долари
Со оглед дека проектираната граница за вториот „апрон“ за 2027/28 е 235 милиони долари, Тандер ќе има само уште 11 милиони долари простор за да го пополни остатокот од ростерот со уште девет играчи.
Учество во игри на среќа е дозволено за лица со 18+ години. Играј одговорно!