Реал Мадрид убедливо ја совлада Севилја со 4:1 во 9. коло од шпанската Ла Лига и уште еднаш покажа сила пред својата публика.
„Кралевите“ имаа контрола во најголемиот дел од натпреварот, а според прикажаното на теренот победата можеше да биде и поизразена. Сепак, домашните навивачи сигурно нема да имаат причина за незадоволство по изданието против еден од поквалитетните тимови во лигата оваа сезона.
Отпорот на Севилја беше скршен во 30. минута, кога Арда Ѓулер ја донесе почетната предност за Реал. Само седум минути подоцна следуваше нов удар за гостите: Џуд Белингем асистираше, а Килијан Мбапе рутински погоди за 2:0 и мирна завршница на првиот дел.
Реал не намали темпо ниту по паузата. Во 63. минута Мбапе беше прецизен од белата точка и го зголеми водството на 3:0, со што практично ги реши сите дилеми околу победникот.
Севилја успеа само кратко да се врати во игра. На десетина минути пред крајот Буено намали на 3:1 и донесе мала надеж за гостите, но таа траеше многу кратко. Веќе во 82. минута Реал повторно возврати и преку Јан Диоманде го постави конечниот резултат 4:1.
По овој триумф, Реал Мадрид се наоѓа на третото место на табелата со 21 бод. Тимот има еден бод помалку од Атлетико, а шест помалку од Барселона. Севилја, пак, по овој пораз останува на шестата позиција со 14 освоени бодови.
Учество во игри на среќа е дозволено за лица со 18+ години. Играј одговорно!