Асоцијацијата на тениски професионалци објави план со кој во 2028 година треба да се распределат вкупно 350 милиони долари преку наградни фондови и бонуси за тенисерите.
Објавата доаѓа во период кога и АТП и ВТА се под силни критики поради пренатрупаниот календар, кој практично трае 11 месеци во годината.
Според презентираниот план, бонусите за играчите ќе пораснат на 50 милиони долари, што е значително повеќе во однос на сегашните 21,1 милиони.
Покрај тоа, дополнителни 25 милиони долари ќе бидат поделени меѓу првите 250 тенисери на ранг-листата, а уште 30 милиони долари се предвидени за пензии за повеќе од 300 поранешни играчи.
Во пакетот е најавено и зголемување на наградните фондови на турнирите.
„Тенисот е во многу добра позиција во моментов. Нашите турнири продолжуваат да стануваат се попопуларни и подобри, а играчите имаат рекордни приходи. Но, за да останеме силни, мора да продолжиме да се развиваме“, изјави првиот човек на АТП, Андреа Гауденци.
Учество во игри на среќа е дозволено за лица со 18+ години. Играј одговорно!