Наполи минува низ тежок почеток на сезоната под водство на Масимилијано Алегри, а последните резултати само дополнително го зголемија притисокот околу тимот.
Според „Тутоспорт“, поразот од 3:1 на гостувањето кај Виљареал значи дека неаполскиот состав веќе има четири порази на првите осум натпреварувачки натпревари. Во истиот период запиша и три победи, како и едно реми.
Тоа е најлош старт на клубот во последните 17 години. Полошо тргнал само тимот на Роберто Донадони во сезоната 2009/10, кога Наполи загубил четири од првите седум натпревари. Дополнителен проблем е што екипата на Алегри сè уште нема врзано две победи по ред.
По натпреварот во Шпанија биле забележани и расправии на теренот, како и очигледна нервоза меѓу фудбалерите, што дополнително зборува за тензичната атмосфера во соблекувалната.
Европската слика е уште полоша
Во Лигата на шампионите, статистиката за Наполи е уште позагрижувачка. Клубот го бележи најлошиот старт во својата историја во ова натпреварување, без освоен бод и со само еден постигнат гол.
Напаѓачите досега постигнале само пет од вкупно 11-те голови на тимот во сите натпреварувања, иако во офанзивниот дел биле вложени околу 200 милиони евра.
Под лупа е и европскиот биланс на Алегри. Италијанскиот стратег има осум порази на последните девет натпревари во Лигата на шампионите, а последната победа ја остварил во октомври 2022 година.
Проценките се дека на Наполи ќе му бидат потребни најмалку 11 бода од преостанатите шест меча во лигашката фаза за да се најде меѓу првите 24 екипи. Следен европски ривал ќе биде Боде/Глимт.
Пред тоа, Наполи во сабота гостува кај последнопласираната Венеција, а Кевин Де Брујне, поради тоа што ги одигра сите минути на последните два натпревари, се очекува да остане на клупата.
Учество во игри на среќа е дозволено за лица со 18+ години. Играј одговорно!