Канадската тенисерка Ежени Бушар, која некогаш беше финалистка на Вимблдон, се најде во центарот на вниманието на турнирот во Чикаго, но овој пат на теренот за пиклбол. Откако заврши својата тениска кариера, Бушар се посвети на професионалниот пиклбол, но нејзиниот настап на турнирот во Чикаго заврши со контроверзии.
По поразот во второто коло од украинската противничка Марија Форд со резултат 6-11, 11-5, 11-5, Бушар одби да се ракува на мрежата. Главната причина за ваквиот потег беше однесувањето на Форд за време на мечот, која бурно и гласно го прославуваше секој освоен поен, што ја изнервираше Бушар.
Дополнително, спорни судиски одлуки во решавачкиот сет ја влошија ситуацијата. При резултат 5-9 за Форд, судиите досудија аут по удар на Бушар, иако снимките и реакциите на публиката покажаа дека топката била во теренот.
По последниот поен, Форд пријде со испружена рака, но Бушар само помина покрај неа без поздрав, јасно покажувајќи го своето незадоволство од однесувањето на противничката. Иако пиклболот го опиша како „освежувачка промена“ во однос на тенисот, натпреварувачкиот дух на 32-годишната Канаѓанка остана непроменет.
Учество во игри на среќа е дозволено за лица со 18+ години. Играј одговорно!