Новак Ѓоковиќ, српскиот тениски ас, продолжува да импресионира на светската сцена дури и на 39 години. Во Пекинг, тој уште еднаш покажа дека може да се носи со најдобрите играчи, но и дека крајот на неговата кариера не е на повидок.
Иако резултатите може да не се како порано, Ѓоковиќ сега игра на помалку турнири, што е делумно поради мотивацијата и возраста, кои се значајни фактори. Тој во Шангај откри што морал да промени за да остане на врвот на АТП турот.
„Морам да се адаптирам на многу начини. Физички и во однос на организацијата на мојот натпреварувачки календар и мојата игра воопшто“, изјави Ѓоковиќ.
Тој исто така зборуваше за потребата од агресивност во играта: „Знам дека морам да бидам многу поагресивен и сите го велат тоа. Не сум природен сервис-волеј играч, ниту пак тоа е вообичаен стил во модерниот тенис. Но, денес морам многу повеќе да ја менувам играта отколку пред пет, десет или 15 години, бидејќи долгите поени или гемови оставаат многу повеќе траги на мене отколку порано“, објасни Новак за Tennis TV.
Учество во игри на среќа е дозволено за лица со 18+ години. Играј одговорно!