Возиња (40) го живее својот живот поинаку отколку порано. Пресвртната точка беше на Светското првенство, каде што бранеше солидно и беше клучен играч за својата репрезентација на Зеленортските Острови, кои беа хит на првенството.
Заради неговите настапи против Аргентина и Шпанија, неговата популарност неверојатно порасна. Од 50 илјади следбеници, доби 28 милиони, а денес вели дека животот му бил подобар кога не бил толку познат.
„Го изгубив мојот мир и приватност. Немам повеќе приватност, или тоа го имам многу помалку отколку порано. Сега, кога ќе излезам или ќе одам во ресторан, секогаш има некој што сака да се фотографира со мене. Или што е уште полошо, некој што ме снима. Тоа е она што најмногу се промени во мојот живот и не мислам дека можам да направам нешто околу тоа.“
Се потсети како изгледаше сето тоа.
„Еден член на екипата ми пријде и ми рече дека имам милиони следбеници. Немав поим за што зборува; мислев дека се шегува, но инсистираше.“
Сè уште не веруваше…
„Подоцна давав неколку интервјуа во микс-зоната и новинарката од CazéTV ме праша дали знам што се случува. Ми покажа на својот телефон и тогаш видов дека имам повеќе од милион следбеници.“
Учество во игри на среќа е дозволено за лица со 18+ години. Играј одговорно!