Словенечкиот репрезентативец не беше во составот на Мајкл Керик за гостувањето против Фулам, кое заврши со резултат 1:1, а во овој момент не е јасно колку долго ќе биде надвор од терените.
Керик по натпреварот призна дека ниту во клубот сè уште немаат комплетна слика.
“Сè уште не сме осигурни кога е во прашање Бен. Почувствува болка по мечот против Брајтон и моментално правиме испитувања. За Фулам дефинитивно не беше подготвен, а во овој момент немам повеќе информации”, рече тренерот на Манчестер Јунајтед.
И токму поради неизвесноста околу Шешко, но и плановите за остатокот од сезоната, на Олд Трафорд повторно почнаа сериозно да го следат напаѓачот кој го посакуваат веќе години наназад.
Според информациите од TEAMtalk, станува збор за Серхоу Гираси, напаѓачот на Борусија Дортмунд кој уште од 2023 година е на радарот на Манчестер Јунајтед.
Јунајтед го сакаше уште пред да заврши во Штутгарт, но тогаш не дојде до договор. Англискиот гигант потоа се сврти кон Расмус Хојлунд, чие престојување на Олд Трафорд не ги оправда очекувањата, а Данецот подоцна заврши во Наполи.
Во меѓувреме, Гираси израсна во еден од најефикасните напаѓачи на Бундеслигата.
Учество во игри на среќа е дозволено за лица со 18+ години. Играј одговорно!