Jунајтед пред три години му даде гол на Сити од ситуација идентична како за сега што се жалат (Видео)

Реакции и дискусии предизвика постигнатиот гол на Ерлинг Халанд во градското дерби против Манчестер Јунајтед, со кој Манчестер Сити победи со 1:0.

Халанд го погоди голот во 60-та минута од натпреварот, носејќи предност за својата екипа.

Иако првично голот беше поништен поради сигнализиран офсајд, одлуката беше променета по проверка со ВАР и голот беше признаен.

Џошко Гвардиол ја испрати топката, Халанд заврши во голот, и беше утврдено дека Норвежанецот не бил во офсајд позиција.

Сепак, спорен момент беше дека пред Халанд кон топката тргна Енцо Фернандез, оддалечен милиметри од ударот, и играчите на Јунајтед побараа голот да биде поништен бидејќи Фернандез со неговата реакција имаше очигледна намера да ја удри топката, збунувајќи го голманот Сен Ламменс.

Манчестер Јунајтед се жали дека е неправедно оштетен, но фановите на Сити брзо им возвратија, потсетувајќи ги дека Јунајтед постигна сличен гол во градското дерби пред три и пол години.

God the justice 🥹 https://t.co/j8mOA0r6Dn pic.twitter.com/ERe2v4fBN8

— pragyan (@pragyanoflate) September 13, 2026

На 14 јануари 2023 година, Јунајтед го пречека Сити во 20-то коло од англиската Премиер лига и славеше со 2:1 после пресврт.

Голот за 1:1 беше постигнат по јасен офсајд кој не беше свирнат. Каземиро ја испрати топката кон Маркус Рашфорд кој тргна по неа, а Мануел Аканджи и Кајл Вокер се обидоа да го достигнат, но во последен момент Рашфорд застана и дозволи Бруно Фернандес да шутира и да постигне гол.

Иако беше јасно дека Рашфорд учествуваше во акцијата откако беше во офсајд позиција, голот беше признат, но објаснувањето беше дека тој не ја играл топката – идентично на актуелното објаснување за Фернандез.