Костариканците едногласни: Ги почитуваме противниците, но Бразил е посебен

Селекторот на фудбалската репрезентација на Костарика, Оскар Рамирес истакна денес дека е задоволен од групата на СП, во која се Србија, Бразил и Швајцарија.

„Имам добро чувство по ждрепката. Ме потсетува на Мундијалот во Италија, кога го имавме Бразил за ривал со две европски селекции. Дури и распоредот на натпреварите е многу сличен“, истакна Рамирес по ждрепката во Москва.

Костариката натпреварувањето во групната фаза на светскиот шампионат во Русија ќе го стартува против Србија, а потоа следат дуелите со Бразил и на крајот на Швајцарија.

Рамирес истакна дека ги почитува протвниците, но Бразил е посебен.

„Ми се допаѓа што играме против три екипи кои сакаат да играат фудбал. Ги гледав, негуваат комбиниран фудбал“, истакна селекторот на латиноамериканската репрезентација.