„Феноменот“ задоволен од ждребот: Сите услови за прво место!

Легендарниот бразилски напаѓач Роналдо изјави дека е задоволен од жребот и очекува „кариоките“ да бидат прво место во групата.

„Селесао“ се наоѓа во групата Е заедно со Србија, Швајцарија и Костарика.

„Мислам дека групите се избалансирани, и можеме да бидеме среќни со оние репрезентации кои ги избегнавме. Ги имаме сите услови да бидеме први во групата. Некои групи се многу комплицирани, како таа каде што се Португалија и Шпанија. Мислам дека ние имаме одлична група“, изјави Роналдо.

„Феноменот“ со Бразил два пати беше Светски шампиони, во 1994 година и 2002 година, кога беше избран и за најдобар фудбалер на Мундијалот.

„Сега најважни се припремите кои мораат да бидат во мир. Репрезентацијата треба да биде одделена од местото на натпреварот за да има свој мир. Мислам дека селекторот Тите веќе има свој план“, додаде Бразилецот.