Барса тргна во акција по најдобриот играч од Серија А!

Федерико Димарко моментално е веројатно најдобриот фудбалер во Серија А, а овој 28-годишен италијански играч го покажа својот талент со постигнати осум гола и дури 18 асистенции во текот на 47 натпревари оваа сезона.

Неговата улога во тимот е од клучно значење, но има некои компликации околу неговиот нов договор.

Сегашниот договор му завршува до јуни 2027 година, со можност за продолжување, а според шпанските медиуми, Барселона се обидува да искористи моменталната ситуација.

Намерата е да направат чекор кон него следното лето, со атрактивна понуда која би го привлекла вниманието на фудбалскиот свет. Сепак, дали ќе успеат во оваа амбиција е неизвесно, бидејќи Димарко од малечок е голем обожавател на Интер.