Атлетико Мадрид му дал на Хулијан Алварез писмена дозвола да започне преговори за трансферот во Барселона, ексклузивно пренесува Ел Чирингито ТВ.
Како што е познато, Алварез јавно говореше за време на летниот трансфер период дека има желба да го напушти Мадрид и да го оствари сонот од детството, што подразбира премин во Барса, но Атлетико остана цврст во својата одлука да не го продаде на директен ривал.
Сега, со голем и значаен пресврт, новинарот Жорди Жота тврди дека “Јорганџиите” му дале на напаѓачот писмено одобрение за разговори за премин во каталонскиот гигант.
Жота дополни и дека лично го видел тој документ и вети дека ќе ги открие доказите и документите на 2 септември, кои ја потврдуваат оваа информација.
Да потсетиме, Алварез е клучен играч на Атлетико откако во 2024 година пристигна од Манчестер Сити.
Досега има постигнато 49 голови и забележано 17 асистенции во 107 натпревари во сите конкуренци.
Неговата обврска со Атлетико е валидна до 2030 година.
Учество во игри на среќа е дозволено за лица со 18+ години. Играј одговорно!