На југот на Франција се наоѓа стадион кој до пред неколку години беше место на собирање на илјадници љубители на фудбалот и каде се играше врвен фудбал.
Денес сликата е сосема различна, трибините се празни, теренот е обраснат, а некогашниот фудбалски дом се повеќе наликува на напуштен објект.
Станува збор за Stade des Costieres во Ним, стадион кој беше отворен во 1989 година како нов дом на Ним Olympique. Го проектираше Виторио Греготи и неговите соработници, а во моментот на изградба претставуваше амбициозен и модерен спортски објект.
Кога беше отворен, стадионот можеше да прими речиси 30.000 гледачи, додека неговиот официјален капацитет подоцна беше нешто над 18.000 места.
Ним на него помина повеќе од три децении, од 1989 до 2022 година.
На Costieres се играа натпревари кои останаа запишани во историјата на клубот, но стадионот не беше резервиран само за Ним. На него гостуваше и репрезентацијата на Франција, а еден од најпосетените настани беше дуелот помеѓу Франција и Грција во 1996 година, на кој присуствуваа 23.454 гледачи.
Учество во игри на среќа е дозволено за лица со 18+ години. Играј одговорно!