Односите помеѓу претседателот на УЕФА Александер Чеферин и првиот човек на ФИФА Џани Инфантино дополнително се заладија. Чеферин го опиша неуспешниот проект FIFA Forward Enterprise (FFE) како идеја поопасна од Суперлигата, а на Инфантино му испрати и јасно предупредување пред евентуална нова кандидатура за претседател на ФИФА.
Гостувајќи во подкастот “The Rest is Politics: Leading”, претседателот на УЕФА не криеше колку се спротивставил на FFE.
“Мислам дека овој план е полош дури и од Суперлигата. Во првиот случај, исклучително важните клубови сакаа да создадат своја лига, што е погрешно и би го уништило фудбалот. Но, тука, фудбалот буквално би се продал,” рече Чеферин.
Според неговото мислење, проектот во овој момент дефинитивно е застанат.
“Целосно сум сигурен дека FFE планот е завршен. Најважно ми е што спречивме уште еден обид да се продаде спортот. Тешко ми е да замислам какви би биле тие луѓе кои би го продале спортот кој припаѓа на сите.”
Чеферин сепак не тврди дека слична идеја никогаш повеќе нема да се појави.
“Можеби тоа ќе се случи за 20 години, никогаш не се знае, но засега со сите одлично соработуваме. Сигурен сум дека тоа не може да се случи во наредните 10 години.”
Учество во игри на среќа е дозволено за лица со 18+ години. Играј одговорно!