Зошто Челси трета година по ред нема спонзор на дресот?

Поранешниот шеф за глобален маркетинг во Челси, Кристијан Перслоу, сподели впечаток за необичната ситуација во која овој познат клуб влегува веќе трета сезона без спонзор на дресовите.

Иако спонзорирањето е важна основа за фудбалските клубови, Челси и понатаму влегува во новите сезони без никакво лого на предната страна од дресот.

Оваа ситуација се развива откако клубот го презеде американското бизнис лице Тод Бели, кое ја презеде функцијата по продажбата на клубот од страна на рускиот олигарх Роман Абрамович.

Сега, Кристијан Перслоу, кој долги години беше клучен за маркетинг стратегиите на клубот, објаснува зашто ова се случува.

“Интересно е и сосема зачудувачки, да бидам искрен, дека Челси почнува уште една сезона без генерален спонзор на дресот”, вели Перслоу и додава причини за тоа:

“Не дека нема интерес од брендови да бидат на дресот на Челси, туку ова раководство на Челси има необично гледиште. Попрво би останале без спонзор, отколку да прифатат понуда што не ја сметаат за соодветна на вредноста”, вели Перслоу.

Така, Челси повторно ќе игра без спонзор на дресовите оваа сезона, по третпат по ред. Доколку се појави соодветна понуда за време на сезоната, клубот би го додал логото на новиот бренд на предната страна од дресот со задоволство.